Президент Қасым-Жомарт Тоқаев AI & Digital Bridge 2026 халықаралық форумы аясында жасанды интеллект, цифрлық технологиялар және роботты техника бағытындағы қазақстандық әзірлемелермен танысты, деп хабарлайды Tech-news.
Көрмеде Мемлекет басшысына Qazaq AI Research University базасында әзірленген AI-Enabled University моделі көрсетілді. Жоба университеттегі білім беру мен басқару процестеріне жасанды интеллект құралдарын енгізуге бағытталған.
Сонымен қатар Trusted Kazakhstan және ALFA жобалары, сондай-ақ Aitu ұлттық мессенджерінің жаңа функциялары таныстырылды.
Көрмеде «Самұрық-Қазына» қоры мен Higgsfield.ai компаниясының AI шешімдері де ұсынылды. Бұдан бөлек, Қазақстандағы деректерді өңдеу инфрақұрылымын кеңейтуге арналған «Деректерді өңдеу орталығы алқабын» дамыту жоспары таныстырылды.
Ұсынылған жобалардың негізгі бағыты — жасанды интеллектіні экономика мен мемлекеттік басқаруға енгізу, цифрлық инфрақұрылымды дамыту және Қазақстанның технологиялық хаб ретіндегі әлеуетін арттыру.
