Билл Гейтстің қоры ЖИ-ды ана тілінде қолдана алмайтын 3,4 млрд адамға технологияны қолжетімді етуді көздейтін халықаралық коалицияға қосылды. Бастама аясында алдағы бес жылда түрлі тілдерде жұмыс істейтін ЖИ сервистері мен дауыстық құралдар әзірленбек, деп хабарлайды Tech-news.
Қазір көптеген жасанды интеллект құралдары ең алдымен ағылшын тіліне бейімделген. Ал әлемде шамамен 7 мың тіл бар. Соның салдарынан миллиардтаған адам ЖИ мүмкіндіктерін өз ана тілінде толық пайдалана алмай отыр.
Осы мәселені шешу үшін Гейтс қоры бірнеше ұйым бірігетін коалиция құрамына кірді. Оның негізгі мақсаты — ЖИ технологияларын тілдік тұрғыда аз қамтылған қауымдастықтарға да қолжетімді ету.
Жоба аясында адамдарға ЖИ-мен өз ана тілінде мәтін арқылы ғана емес, дауыс көмегімен де жұмыс істеуге мүмкіндік беретін сервистер әзірленеді.
Бастаманы жүзеге асыруға бес жыл бөлінбек. Негізгі назар ЖИ жүйелерінде жеткілікті дерек пен құрал жоқ тілдерді қолдауға аударылады.
Гейтстің айтуынша, жасанды интеллекттің мүмкіндіктері тек ағылшын тілінде сөйлейтін пайдаланушылармен және ірі технологиялық нарықтармен шектелмеуі керек.
