SpaceX-тің Starship ғарыш кемесі 28 қыркүйектегі сынақ кезінде алғаш рет Жер орбитасына шықты. Ұшу барысында аппарат орбитаға 26 Starlink V3 спутнигін шығарды, деп хабарлайды Tech-news BBC-ға сілтеме жасап.
Starship-тің 14-ші сынақ ұшуы Техастағы Starbase ғарыш айлағынан басталды. Бұған дейінгі сынақтардың барлығы суборбиталық траекториямен өткен еді.
Ұшырылымнан кейін Starship-тің жоғарғы сатысы Super Heavy үдеткішінен бөлінді. Үдеткіш кейін Мексика шығанағына қонды.
Ұшудан шамамен 18 минут өткенде Starship қозғалтқыштарының бірінде ақау болып, ол өшіп қалды. Соған қарамастан, SpaceX мамандары аппараттың ұшуын жалғастыруға шешім қабылдады. 30 минутқа жетпей Starship алғаш рет Жер орбитасына шықты.
Осыдан кейін ғарыш кемесі 26 Starlink V3 спутнигін орбитаға шығарды. Ұшу экипажсыз жүзеге асырылып жатыр.
Жоспар бойынша Starship Жерді бірнеше рет айналып ұшып, миссияның соңында Тынық мұхитына қонуы тиіс.
