Астанада автономды жеткізу роботтары қатысатын пилоттық жоба басталды. Қазір Есіл ауданының тұрғындары Yandex Go қосымшасы арқылы Yandex Lavka-дан тапсырыс беріп, оны роботтың көмегімен тегін ала алады, деп хабарлайды Tech-news.
Жоба елордада автономды жеткізу технологиясын сынақтан өткізуге бағытталған. Роботтар тапсырысты адам курьерінің қатысуынсыз жеткізіп, маршрутты өздігінен жоспарлайды.
Құрылғылар жол бойындағы кедергілерді анықтап, жаяу жүргіншілерге бейімделе алады. Олар тротуармен шамамен 6 км/сағ жылдамдықпен қозғалады, бұл жаяу жүргіншілер үшін қауіпсіз режим болып саналады.
Қазіргі кезеңде қызмет тек Есіл ауданында қолжетімді. Алдағы уақытта жобаны Нұра ауданына да кеңейту жоспарланып отыр.
Пилоттық бастама Қазақстан Республикасының Жасанды интеллект және цифрлық даму министрлігінің қолдауымен жүзеге асырылып жатыр. Егер сынақ кезеңі сәтті өтсе, автономды жеткізу сервистері елорданың басқа аудандарында да пайда болуы мүмкін.
