TechЭкономика

Nvidia Дженсен Хуангты бас директор қызметіне қайтармайды

Nvidia компаниясының директорлар кеңесі негізін қалаушылардың бірі Дженсен Хуангты бас директор қызметіне қайта тағайындамайтынын мәлімдеді. Бұған дейін оның оралуын компания қызметкерлері, инвесторлар мен технология саласының өкілдері қолдаған еді, деп хабарлайды Tech-news. 

Компанияның директорлар кеңесінің төрағасы Харви Джонс инвесторлармен өткен кездесуде басқарма Хуангтың отставкасын бірауыздан мақұлдағанын айтты. Оның сөзінше, компания бұрынғы шешімін өзгертуді жоспарлап отырған жоқ.

Сонымен қатар Nvidia басшылығы отставкаға қатысты мән-жайлар мен қазір жүріп жатқан тергеу туралы сұрақтарға әзірге жауап бермейді. Қосымша ақпарат кейінірек жарияланбақ.

Бұрынғы басшыны қызметіне қайтаруды талап еткен петицияға 180 мыңнан астам адам қол қойған. Олардың қатарында Nvidia қызметкерлері, инвесторлар және технология индустриясының өкілдері бар.

16 қарашада АҚШ президенті Дональд Трамп журналистерге Хуангтың бас директор қызметіне қайта оралуына қарсы емес екенін жеткізді. Кәсіпкер Илон Маск та оны қолдағандардың қатарынан табылды.

17 қарашада Дженсен Хуангтың өзі де бұл қызметке қайта оралу мүмкіндігін жоққа шығармады. Ол директорлар кеңесі мұндай шешім акционерлердің, қызметкерлердің, компанияның және АҚШ-тың мүддесіне сай келеді деп есептесе, ұсынысты қабылдауға дайын екенін айтты.

Сондай-ақ Хуанг туындаған мәселелерге өкініш білдіріп, тәуелсіз тергеуге толықтай көмектесуге уәде берді.

Қазір бас директор міндетін компанияның қаржы директоры Колетт Кресс уақытша атқарып отыр. Nvidia жаңа жетекшіні өз қызметкерлерінің арасынан да, сырттан да іздеп жатыр. Бұл процеске директорлар кеңесі Heidrick & Struggles рекрутингтік компаниясын тартқан.

Nvidia 12 қарашада Дженсен Хуангтың бас директор қызметінен кеткенін хабарлады. Ол сонымен бірге компания президенті лауазымын және директорлар кеңесіндегі орнын босатты.

Бұған дейін бұқаралық ақпарат құралдарында Хуангтың некеден тыс қарым-қатынастары туралы ақпарат тараған еді. Жарияланымдарда оның есімі қытайлық кәсіпкер Элис Хуангпен байланыстырылды. АҚШ арнайы қызметтері оны Қытай барлау қызметінің агенті деп санайды.

Осы оқиғалардан кейін Nvidia директорлар кеңесі тәуелсіз тергеу бастаған. Кеңес төрағасы Харви Джонстың мәлімдеуінше, Хуангтың әрекеті компанияның ішкі әдеп кодексі мен корпоративтік талаптарына сәйкес келмеген.

Қазіргі уақытта компания басшылығы тергеу нәтижелерін күтуде. Ал Дженсен Хуангтың орнына тұрақты жетекші тағайындау мәселесі әлі шешілген жоқ.

Shares:

Добавить комментарий

Ваш адрес email не будет опубликован. Обязательные поля помечены *