Ғылым және жоғары білім министрі Саясат Нұрбек Мәжіліс депутаттарына кадр даярлау жүйесін түбегейлі қайта құру стратегиясын таныстырды. Министрдің айтуынша, қазіргі таңда білім беру тек оқу емес, экономикалық егемендік мәселесіне айналған, деп хабарлайды Tech-news.
Министрлік іске қосқан AI-Sana бағдарламасының алғашқы нәтижелері таңғалдырады: студенттердің 100%-ы жасанды интеллект (ЖИ) бойынша базалық курстардан өтіп, 670 мыңнан астам сертификат алған. Ең бастысы – оқу орындары ChatGPT Education лицензияларына қол жеткізді.
«Жасанды интеллект құзыреттерін меңгермеген оқытушының кәсіби маңызы төмендейді. OpenAI компаниясымен келісім аясында оқытушыларға 62 800 лицензия берілді. Бұл оқыту моделінің өзін қайта қарауға мүмкіндік береді», — деді Саясат Нұрбек.
Министр аймақтағы ең ірі Alem.cloud кластерінің іске қосылғанын хабарлады. Бұл суперкомпьютерлер желісі қазақстандық KazLLM және AlemLLM тілдік модельдерін оқытуға негіз болмақ. Кластердің өнімділігі 42 петафлопсқа жетеді, бұл Назарбаев Университеті, ҚазҰУ және Сәтбаев университеті сияқты ірі оқу орындарын біріктіреді.
